Zombilər və Zombiçilik

Nicat Kazımov (Strasbourg Universiteti). Şübhəsizdir ki,  Sovet Rusiyası 22 ildir dağıldığına görə, günlər keçdikcə sovet təfəkkürlü adamlar da azalır. Məhz buna görə də, bu gün Azərbaycan yeni formalşma mərhələsini yaşayır. Əgər bu mərhələnin təhsili və öyrədilən mədəniyyəti kasaddırsa, vay bu xalqın gələcək taleyinə… Nəşədən, damar doğramaqdan, maşınları iki təkərə üzərinə qaldırıb 180 sürətlə sürməkdən, qız qaçırmaqdan bəhs edən meyxanaların, replərin müəlliflərinin üzərlərində hər hansısa  bir cəza növü təyin  lazmdır. Düzdür, bu heç də demokratik yanaşma tərzi deyil, ancaq gələcək üçün bunu etmək lazım olduğunu fikirləşirəm. Araşdırmalardan belə məlum oldu ki, bir zamanlar Milli Məclisdə bu haqda müzakirə olunub, ancaq, heç bir nəticə verməyib. Çünki, bu qərarı “demokratik” hesab etməyiblər.

Niyə?! Səbəb nədir?! Bəs niyə sərbəst toplaşmaq, vicdan, söz azadlığı olan insanlara demokratik yanaşılmır?! Çox fikirləşmədən başa düşmək olur ki, demokratiya anlayışı onlara “lazım” gələndə ehtiyac duyulur. Bu musiqilərin sahiblərini də, musiqi studiyasını da pulla ödəniş cəza növü ilə heç deyilsə bu formalşmaya müsbət təsir göstərmək olar.

 Yadınıza gəlirsə, Türkiyədə bir mahnı sözləri nə qədər insanın intiharına səbəb olmuşdu və buna görə məhz müğənni ifaçı məhkəməyə verilmişdi. – Mən də belə bir metoddan bəhs edirəm. O müğənni qatil adlandırılırdı.  Fikirləşin, sürətlə maşın sürməkdən bəhs edən bir musiqi sürücüyə necə təsir edər?! Bir başa şüur altından sürəti artırmağa təsir edir. Bunun çox şahidi olmuşam. Mahnıların ritminə uyğun maşının sürətini təyin etmək həvəsi yaranır. Əgər qəza olarsa, günahkar kimdir? Sürücümü? Müğənnimi? Yoxsa, bunların qarşısını ala bilməyən və normal qərarlar qəbul edə bilməyən Milli Məclismi?

Çox şahidi olmuşam ki, ibtidai sinifə gedən bir şagird, dərsə gedrəkən, əlindəki telefonla müasir “əttökən” meyxanaya qulaq asa-asa gedir.  Bu nə deməkdir?! Kim sığorta verə bilər ki, o uşaq 11-ci sinifi bitirənə kimi narkomaniya ilə məşğul olmayacaq?!

Ətrafda zombiləşmək prosesini görməmək mümkün deyil…

 Razıyam, əgər bizim tariximizin alnı açıq olsaydı – heç deyilsə, iki əsr ard-arda müstəqil yaşasaydıq, bu prosesə fikir verməzdim. Axı, hələ yenicə “azadlığı” yaşamağa başlamışıq. Bu gün “nə əkərsək, onu da biçərik”. Əfsuslar olsun, əkdiyimiz bu xislətdən başqa bir şey deyil.

Musiqi mədəniyyəti həm bir başa şüuraltı inkişafa, təhsilə, elmə, yaşam tərzinə təsir edir, həm də insanin içindəki istəyini və ya mövcud durumunu əks etdirir. Avropa alimlərinin açıqlamasına görə, üzü vampirə bənzər ağır metal musiqisi dinləyənlər və ifaçılar, həmişə, cəmiyyətin psixoloji problemləri olan təbəqəsidir. Avropada bunun qarşısını almaq olmaz, çünki, onlar həmin inkişaf mərhələsini keçiblər. Bizdə hələ formalaşmaqdadır.

Bir millətin xarakterini bilmək istəyirsinizsə, o millətin musiqisini dinləyin. (Konfutsi)

Ruhumu riqqətə gətirən musiqi bənzərsiz çiçəklərin açdığı və alaq otlarının cücərə bilmədiyi bir diyara oxşayır; təəssüf ki, bunu anlayan insanlar çox azdır.   ( Lüdviq van Bethoven: Alman bəstəkarı )

İfadənin etibarlı bir mənbəyə söykənməsi danışanın düşüncəsinə qanad verdiyi kimi, musiqi də duyğulara qanad verir.   (İohann Volfanq Höte: Alman mütəfəkkiri )

mm

Hər yayımda təqdim olunan mövzu başlıqlarında müəllifi olduğunuz və ya tərcümə etdiyiniz məqalələri bizim veb-səhifəmizdə yayımlıya bilərsiniz.

Sosial Media da Paylaşaq