Liderlik haqqında

Kamran Novruzov

Öz komandanızla lahiyə üzərində işləməniz daha çox effekt verə bilər, nəinki tək nəsə reallaşdırmaq və nəyisə əldə etmək..

Güclü liderlər öz komanda üzvlərinə müəyyən bir iş həvalə edərkən öz məqsədlərinə çatmaq üçün işçilərini həvəsləndirirlər. Və bu sayədə onlar eyni zamanda öz komanda üzvlərinin zəif və güclü xüsusiyyətlərini müəyyənləşdirə bilirlər. Məsələn, nə zaman kimə və nəyi tapşırmaq sizə daha çox bəlli olur.

Lider digər insanlardan fərqlənməlidir. Mən bir izləyici kimi bu fərqi ən uzaq məsafədən belə hiss etmədimsə, sən bir lider kimi bunu izləyiciyə çatdırmadınsa və ya bir otağa daxil olarkən mövcud insanların abu-havasını dəyişdirmədinsə, deməli bu işdə daha çox təkmilləşməlisən.

Sən bir lider kimi gələcəyi görməlisən. Söhbət təbii ki baxıcılıqdan getmir. Bəli, söhbət əslində baxıcılıqdan gedir, ancaq falçılıq mənasında yox!

Qərar qəbul edərkən irəlini nəzərə almalısan. Verəcəyin qərarın gələcəkdə nələri dəyişib-dəyişmədiyini, izləyiciyə hansı informasiyanı verəcəyini – verməli olduğunu artıq əvvəlcədən müəyyənləşdirməlisən. Yaranacaq hər cür riski gözə ala biləcək mövqedə dayanmalısan. Təhlükələrə qarşı öz strategiyanı yaratmalısan.

Əgər sən istəyirsənsə hər kəs kimi səhər 8-də yox (misal olaraq), səhər 6-da oyanasan, sən bunu bacaracaqsan! İnsan istədiyi hər şeyi şüuru ilə əldə edə bilər. Ancaq bunun üçün yenə də düzgün mövqe seçilməlidir, şəxsi strategiya yaradılmalı və işə başlamaq lazımdır.

İdeya ağıla gəldiyi an onu ertələmək ideyanı əldən vermək kimi bir şeydir. Bu zaman sən uduzursan.

Nəyin yaxşı nəyin pis olduğunu sınamadan, təcrübə etmədən mümkün deyil anlamaq. Əslində bir növ mümkündür. Ehtimallarla yaşayan insanlar, məsəlçün. Ancaq sən öz dünyanı yaratmaq, fərqlənmək, ən azından 1 addım öndə olmaq istəyirsənsə, mütləq ki çalışmalısan. Havayı mal da, xidmət də əvvəl-axır bir gün tükənəcək. Bunu fikirləşmək lazımdır.

Sənin işin = Komanda işi = Hər kəsin işi

Bu düsturu işçilərin yeməyinə qatmaq, onların beyinlərinə yerləşdirmək mümkün olsa idi əla olardı. Ancaq sizin lider şəxs üçün mümkün olmalıdır! Bacarmalıdır.

Bunu iki yolla etmək mümkündür (hələ ki, zaman nə gətirəcək bilmirik). İlk üsul işçilərə həqiqi mənada şirkətinizdən hissə verməkdir. Bu sayədə sizinlə çalışan, həqiqətən qabiliyyətli və ağıllı işçiləriniz sizi qoyub digər bir firmaya keçməyi düşünməyəcək və şirkətinizin gəlir nisbəti daha çox artacaq. Çünki ağıllı və qabiliyyətli bir çalışanı itirməyi ağıllı idarəçi istəməz. Eyni zamanda hər bir işçini dəyişmək əslində şirkətinizi ciddi zərərə uğradır. Hər yeni gələn işçi də orientasiya və təlim müddətində firmanın zaman və pul itirməsinə səbəb olur.

Növbəti üsul isə işçiyə həqiqi mənada dəyər verməkdir.

Zamanı öndə tutmaq lazımdır. Qazandığınızın dəyərini önəmsəmək lazımdır və xərcləri qazandıqlarınıza uyğun planlaşdırmaq lazımdır.

Pul qazanmaq geriyə qaytarıla bilməyəcək zaman və hər an tükənməsi mümkün olan enerji tələb edir. Bu səbəbdən ağıllı bir idarəçi, zamanını investisiyaya çevirmə üsullarını tapar. Hədəf yolunuzu işıqlandırır. Lider şəxs hədəfini müəyyən etməli və bu hədəfə çatmaq üçün strategiyalar inkişaf etdirməlidir.

mm

Hər yayımda təqdim olunan mövzu başlıqlarında müəllifi olduğunuz və ya tərcümə etdiyiniz məqalələri bizim veb-səhifəmizdə yayımlıya bilərsiniz.

Sosial Media da Paylaşaq